لندن(نیوزڈیسک)بیگم کلثوم نواز طویل عرصے سے بیمار تھیں ،پرسوں رات کو اچانک کیا ہوا اور پھر۔۔۔! والدہ کے انتقال کے بعد حسین نواز کی پہلی بار میڈیا سے گفتگو،افسوسناک انکشافات، تفصیلات کے مطابق سابق وزیراعظم نوازشریف کی اہلیہ بیگم کلثوم نواز کے انتقال کے بعد ان کے بیٹے حسین نواز نے والدہ کے انتقال کے بعد میڈیا سے پہلی بارگفتگو کرتے ہوئے بتایاکہ پرسوں رات اچانک ان کی طبیعت خراب ہوئی،

اللہ کا حکم آ چکا تھا، ان کا بلاوا آگیا تھا، آج بڑے غم کا دن ہے۔ حسین نواز نے بتایا کہ کہ بیگم کلثوم نواز کو طبیعت خراب ہونے پر ہارلے سٹریٹ کلینک منتقل کیا گیاتھا جہاں انہیں وینٹی لیٹر پر رکھا گیا تھا تاہم پرسوں رات اچانک ان کی طبیعت زیادہ خراب ہوگئی جس کے بعد وہ جانبر نہ ہو سکیں اور خالق حقیقی سے جا ملیں۔ انہوں نے اس موقع پر اعلان کیا کہ بیگم کلثوم نواز کی نماز جنازہ جمعرات کو ریجنٹ پارک مسجد میں ادا کی جائے گی۔دریں اثناء صحافی عمر چیمہ نے دعویٰ کیا ہے کہ سابق وزیراعظم نوازشریف کے صاحبزادہ حسن اور حسین نواز اپنی والدہ کی میت کے ہمراہ لندن سے پاکستان نہیں آئیں گے بلکہ وہ میت کو لندن سے ہی رخصت کریں گے، بیگم کلثوم نواز کے انتقال کے بعد ان کی میت کو پاکستان لانے کے لئے انتظامات کئے جارہے ہیں ، ٹوئٹر پر عمر چیمہ نے کہا کہ جب میاں شریف کا انتقال ہواتھا تو نوازشریف نے اپنی جلاوطنی میں سعودی عرب سے ہی رخصت کیا اور تدفین کے لیے نوازشریف کو مشرف نے واپس آنے کی اجازت نہیں دی اب جب کلثوم نواز کی میت پاکستان لائی جائے گی تو حسن اور حسین نواز بھی لندن سے ہی اپنی والدہ کی میت کو رخصت کریں گے اور وہ پاکستان میت کے ساتھ نہیں آئیں گے ،حسن اور حسین نوازپر پاکستان کی عدالتوں میں مقدمات ہیں جن میں وہ اشتہاری ہے لیکن ابھی تک ان پر کرپشن ثابت نہیں ہوئی ۔