بیجنگ (آ ئی این پی ) چین نے پاکستانیوں کو بڑی خوشخبری سنادی ،کن افراد کو ایک دن میں ویزہ ملے گا ، شاندار اعلان کر دیا۔چین نے باصلاحیت غیر ملکی باشندوں کے لئے چینی ویزے کا نیا نظام متعارف کرا دیا،اعلیٰ سطح کے غیرملکی باصلاحیت افراد کا تصدیق نامہ حاصل ہونے کے بعد ایک ہی دن میں ویزا مل سکے گا۔چائنہ ریڈیو انٹرنیشنل کے مطابق چینی حکومت نے چین میں کام کرنے والے غیرملکی باشندوں کی صلاحیت کے تعین کا معیار مرتب کیا ہے۔

اس معیار پر پورا اترنے والے غیر ملکی باصلاحیت باشندوں کو ویزے سے متعلق تیز رفتار سروس میسر آتی ہے۔ان با صلاحیت افراد میں غیرملکی سائنسدان، بین الاقوامی صنعتی و کاروباری اداروں کے اعلیٰ سطح کے اہلکار اوردوسرے بہتر و اعلیٰ ٰہنر رکھنے والے غیرملکی باشندے شامل ہیں۔دریں اثنا ملک کے پہلے خلاء نورد یانگ لائی وی نے گزشتہ روز بیجنگ میں کہا کہ چین اپنے مجوزہ خلائی اسٹیشن پروجیکٹ کیلئے خلاء نوردوں کے تیسرے گروپ میں سویلینز کو بھی شامل کریگا۔چین کے انسان بردار خلائی انجینئرنگ دفتر کے ڈپٹی ڈائریکٹر یانگ نے چین کی عوامی سیاسی مشاورتی کانفرنس (سی پی پی سی سی) کی 13ویں قومی کمیٹی کے پہلے اجلاس کے موقع پر کہا کہ نئے خلاء نوردوں کا انتخاب صنعتی شعبوں ،تحقیقی اداروں اور یونیورسٹیوں سے کیا جاسکتا ہے۔ موجودہ خلاء نورد چینی الفاظ ٹائی کونگ کا مجموعہ ہے۔ جس کا مطلب ہے بیرونی خلاء اور خلاء نورد ان سب کا تعلق فضائیہ کے سابق ہوا بازوں سے ہے۔یانگ سی پی پی سی سی کی قومی کمیٹی کے رکن بھی ہیں۔

موضوعات:چین