اسلام آباد(مانیٹرنگ ڈیسک)کیا آپ نے کبھی سنا ہے کہ ایک ماں نے خود اپنے ہی جوان بیٹے کو اجرتی قاتل کے ذریعے قتل کروادیا ہو اور اس کی لاش پر کھڑے ہو کر اس بات کا اعتراف بھی کیا ہو۔ ایسا ہی ایک واقعہ بھارت میں پیش آیا ہے جہاں ایک ماں نے اپنے ہی بیٹے کے قتل کے لیے 50ہزار روپوں کے عوض اجرتی قاتل کی خدمات حاصل کیں ۔21سالہ رام چرن کوئی معصوم شخص نہیں تھا بلکہ وہ ایک جنسی درندہ تھا جس کی ہوس کا شکار اس کی ماں سمیت درجنوں خواتین ہو چکی تھیں۔

ماں کے بارہا سمجھانے پر بھی رام چرن باز نہ آیا اور اپنی شیطانی روش پر قائم رہا ۔ماں نے تنگ آکر شیطان صفت بیٹے سے چھٹکارا پانے کے لیے اپنے دوسرے بیٹے سیتا رام کو اعتماد میں لے کر اسے قتل کر دینے کا منصوبہ بنایا ۔منصوبے کو عملی جامہ پہنانے کے لیےاس ماں نے 50ہزار روپوں کے عوض اجرتی قاتل کی خدمات حاصل کیں ۔پولیس نے رام چرن داس کے قتل کی تحقیقات کے دوران اسوقت اسکی ماں کو حراست میں لے لیا جب اس نے خود اپنے بیٹے کے قتل کامنصوبہ بنانے کا اعتراف کیا۔