اسلام آباد (مانیٹرنگ ڈیسک ) انگلینڈ نے پہلے ایک روزہ میچ میں پاکستان کو 44 رنز سے شکست دے دی، میچ کا فیصلہ بارش کی وجہ سے ڈک ورتھ لوئس میتھڈ کے تحت ہوا۔پاکستان کے خلاف پہلے میچ میں کامیابی کے بعد انگلینڈ کو 5 میچوں کی سیریز میں 0-1 کی برتری حاصل ہوگئی ہے۔ میچ میں شاندار کارکردگی پیش کرنے پر انگلینڈ کے جیسن رائے کو مین آف دی میچ ایوارڈ سے نوازا گیا۔
قومی ٹیم کے فاسٹ باؤلر محمد عامر انجری کا شکار ہوگئے ۔ انگلینڈ کیخلاف پہلے ون ڈے میں عامر نے اپنا چھٹا اوور مکمل کرنے کے بعد سائیڈ سٹرین میں تکلیف کی شکایت کی جس کے بعد وہ گراؤنڈ سے باہر چلے۔ٹیم مینجمنٹ کے مطابق فی الحال عامر کی انجری کے بارے میں کچھ نہیں کہا جاسکتا اور ٹیسٹ کروانے کے بعد ہی ان کی انجری کی نوعیت کا علم ہوسکے گا۔