کولمبو(آئی این پی)آسٹریلوی فاسٹ باؤلر مچل سٹارک نے پاکستانی آف سپنر ثقلین مشتاق کا تیز ترین وکٹوں کی سنچری مکمل کرنے کا ریکارڈ توڑ دیا،مچل اسٹارک نے 52میچوں میں وکٹوں کی سنچری مکمل کر کے ثقلین مشتاق کا 53 ون ڈے میچوں میں وکٹوں کی سنچری مکمل کر نے کا ریکارڈ توڑا۔تفصیلات کے مطابق آسٹریلوی فاسٹ بالر میچل سٹارک نے پاکستانی آف سپنر ثقلین مشتاق کا تیز ترین وکٹوں کی سنچری مکمل کرنے کا ریکارڈ توڑ دیا،میچل اسٹارک نے سری لنکا کے خلاف پہلے ون ڈے میں سری لنکا کے دہنن جایا ڈی سلوا کو آؤٹ کرکے ریکارڈ اپنے نام کیا،میچل اسٹارک اب تک 52ون ڈے میچوں میں 100وکٹیں حاصل کرچکے ہیں،اس سے پہلے پاکستانی ثقلین مشتاق نے 53 ون ڈے میچوں میں وکٹوں کی سنچری مکمل کی تھی،ثقلین مشتاق نے اپنے ون ڈے کیرئیر میں 169میچوں میں 288وکٹیں حاصل کیں۔