اسلام آباد(مانیٹرنگ ڈیسک)پاکستان تحریک انصاف کی ریلی اور حکومت و ضلع انتظامیہ اسلام آباد میں کشیدگی کی فضاء گزرتے وقت کے ساتھ تیز ہوتی جا رہی ہے۔ تفصیل کے مطابق پاکستان تحریک انصاف کے ٹرک میں آگ لگنے کے بعد تحریک انصاف کے مرکزی رہنماء نعیم الحق نے میڈیا سے گفتگو کرتے ہوئے کہا کہ ہم بھرپور مزاحمت کریں گے اگر ہمیں روکنے کیلئے طاقت کا استعمال کیا گیا۔ دریں اثناء پاکستان تحریک انصاف کی ریلی شروع ہونے سے پہلے ہی بری خبر آ گئی۔ نجی ٹی وی رپورٹ کے مطابق پاکستان تحریک انصاف کی ریلی میں شامل اہم ٹرک میں خوفناک آگ لگ گئی۔ ذرائع کے مطابق ٹرک میں تحریک انصاف کی ریلی کا سامان لایا جا رہا تھا۔
نجی ٹی وی رپورٹ کے مطابق اب تک آگ کی وجوہات سامنے نہیں آ سکی۔ اس ضمن میں کسی سازش کو خارج از امکان قرار نہیں دیا جا سکتا۔نجی ٹی وی رپورٹ کے مطابق تحریک انصاف کا سامان لے جانے والا ٹرک مکمل طور پر جل کر خاکستر ہو گیا ہے۔ تحریک انصاف کے مرکزی رہنماء نعیم الحق نے میڈیا سے گفتگو کرتے ہوئے کہا ہمیں ٹرک میں لگائی جانے والی آگ پر شدید تشویش ہے۔یہ ایک سازش ہے ۔اگر ہمیں بزور طاقت روکنے کی کوشش کی گئی تو ہم سخت مزاحمت کریں گے۔نعیم الحق نے کہا کہ پنجاب حکومت لوگوں کے راستے میں رکاوٹیں کھڑی کر رہی ہے۔ پنجاب پولیس کو لوگوں کو ریلی میں شرکت سے روکنے کیلئے استعمال کیا جا رہا ہے۔

موضوعات:پی ٹی آئی کا دھماکہ خیز اعلان تحریک انصاف