اسلام آباد(مانیٹرنگ ڈیسک)بھارت کئی عرصے سے سونے کی چڑیا بننے کا خواب دیکھ رہا ہے اوربھارتی میڈیا تو ہر آئے روز عوام کو خواب کے چنگل میں گھوماتا پھرتا ہے ،ہم نے یہ ضرور دیکھا ہے کہ گائے دودھ دیتی ہے جس سے مکھن اور دہی بھی بنتے ہیں لیکن یہ کبھی نہیں سنا تھا کہ گائے سونا پیدا کرنے والی مشین بھی ہے ،تو لیجئے جناب بھارتی میڈیا اور ہندومذہب کے پیشوا نے وہ سنا ہی دیا جو ہم نے کبھی نہیں سنا تھا ،ان کا دعویٰ ہے کہ گائے کے پیشاب اور دودھ سے سونا بھی نکلتا ہے ،، بھارتی میڈیا نے تو کمال ہی کردیاعوام کو متوجہ کرنے کے لیے ہر آئے روز گائے پر گھنٹوں رپورٹ پیش کر رہا ہے ،بھارتی میڈیا پر آنے والے مہمان ہندو پیشوا نے دعویٰ کیا ہے کہ 4سالہ تحقیق کے بعد پتا لگایا گیا ہے کہ گائے کے جسم کے اندر کافی مقدار میں سونا پایا جاتا ہے جو پیشاب اور دود ھ کے ذریعے سے نکلتا ہے ،گائے کے پالنے سے ہم ملک کی غربت دور کرنے کے ساتھ ساتھ دنیا کی سپر پاور بھی بن سکتے ہیں ۔واضح رہے کہ بھارت کے اس مضحکہ خیز دعوے پر پوری دنیا میں بھارتی سورماؤں کا مذاق اڑایا جا رہا ہے۔