اسلام آباد (مانیٹرنگ ڈیسک)ملکہ برطانیہ الزبتھ دوئم 23جون کو بکھنگم پیلس لندن میں دو نوجوان پاکستانیوں زینب بی بی اور محمد عثمان خان کو ینگ لیڈرز ایوارڈز سے نوازیں گی ٗ ایسے وقت میں جبکہ دولت مشترکہ میں ملکہ کی90 ویں سالگرہ منائی جارہی ہے ،ملکہ برطانیہ نے اپنی کمیونیٹیز کیلئے کام اور دوسروں کی زندگیوں میں تبدیلی لانے کیلئے 26سالہ زینب بی بی اور 27سالہ محمد عثمان خان کی خدمات کے اعتراف کے طور پر انہیں 2016کا ینگ لیڈرز ایوارڈز دینے کا فیصلہ کیا ہے۔ لندن میں پانچ روزہ تقریبات کے دوران دولت مشترکہ کے مختلف ملکوں سے جیتنے والے 45خوش نصیبوں میں سے ملکہ کے ینگ لیڈرز کے طور پر زینب بی بی اور عثمان خان پاکستان کی نمائندگی کرینگے۔شاہی محل میں ایوارڈز حاصل کرنے سے قبل جیتنے والے نوجوان لیڈرز 10ڈاوننگ سٹریٹ،گلوبل سوشل نیٹ ورکنگ کمپنی ٹویٹر کے ہیڈ کوارٹرز کا دورہ کرینگے اور بی بی سی عالمی سروس کے سینئر ایگزیکٹیوز کے علاوہ دولت مشترکہ کی سیکرٹری جنرل اور برطانوں کاروباری افراد سے ملاقاتیں کرینگے