پیانگ یانگ :شمالی کوریا نے دعویٰ کیا ہے کہ اس کے رہنما کم جوان کے بارے میں توہین آمیز فلم کے پیچھے امریکی حکومت کے موجود ہونے کے شواہد مل گئے ہیں اور دھمکی دی ہے کہ امریکا کو سبق دکھانے کیلئے اس کی طاقت کی علامت وائٹ ہاﺅس کو اڑا دیا جائے گا۔ شمالی کوریا سرکاری خبر رساں ایجنسی KCNA کی طرف سے جاری کئے گئے بیان میں کہا گیا ہے کہ فلم ”دی انٹرویو“ صرف سونی کمپنی کا کام نہیں ہے بلکہ یہ ایک امریکی سازش ہے جس کے تحت صدر کم جونگ ان کی کردار کشی کی جارہی ہے۔ بیان میں کہا گیا ہے کہ امریکا کے خلاف بھرپور ردعمل کا آغاز کیا جاچکا ہے اور اگر فلم ریلیز کرنے کی کوشش کی گئی تو اس کی اینٹ سے اینٹ بجادی جائے گی۔
میڈیا رپورٹ کے مطابق فلم میں کم جونگ ان کو ہم جنسی سے لطف اندوز ہوتے دکھایا گیا ہے اور اس کی شرمناک موت کے مناظر دکھائے گئے ہیں۔ شمالی کوریا کے سائبر اٹیک اور دھمکیوں کے بعد سونی نے فلم ریلیز کرنے سے انکار کردیا ہے۔