لاہور(پی پی آ ئی)لاہور ہائیکورٹ نے اسموگ کے تدارک سے متعلق کیس میں عید تک بیکریوں کو رات ایک بجے تک کام کرنے کی اجازت دے دی۔
لاہور ہائیکورٹ کے جسٹس شاہد کریم نے اسموگ کے تدارک کے لئے ہارون فاروق سمیت دیگر کی درخواستوں پر سماعت کی۔جسٹس شاہد کریم نے شہر میں جگہ جگہ انڈر پاسز بنانے پر برہمی کا اظہار کرتے ہوئے قرار دیا کہ جہاں دل کرتا ہے انڈر پاس بنا دیتے ہیں، انڈر پاس کی بجائے اگر سڑکوں کی ری ماڈلنگ ہو جائے تو تمام مسائل حل ہو جائیں، ٹریفک پولیس کو تو لوگ کچھ سمجھتے ہی نہیں، ٹریفک پولیس کو مزید طاقتور کرنے کی ضرورت ہے، دبئی میں اگر کوئی ٹریفک والا کسی کو روک لے تو کسی کی جرات نہیں ہوتی کہ بات کر جائے۔عدالت سے استدعا کی گئی کہ رمضان المبارک میں بیکریوں کو رات ایک بجے تک کھلا رکھنے کا حکم دیا جائے۔عدالت نے عید تک بیکریوں کو رات ایک بجے تک کام کرنے کی اجازت دیتے ہوئے کیس کی مزید سماعت 7 اپریل تک ملتوی کردی۔لاہور ہائیکورٹ ایمپوریم مال کے اردگرد غیر قانونی پارکنگ فوری سیل کرنے کا حکم بھی دے دیا۔
