اسلام آباد(مانیٹرنگ ڈیسک)ایران میں بس حادثہ، 20افراد ہلاک ہو گئے ۔غیر ملکی میڈیا کے مطابق ایران میں آج ایک افسوسناک بس حادثہ پیش آیا ہے جس میں کئی افراد جان کی بازی ہار گئے ہیں۔ تہران سے گنبد کی جانب جانے والی مسافربس سواد کوہ کے علاقے میں ایک گہری کھائی میں گر گئی جس کے نتیجے میں ہلاکتیں ہوئیں۔

ہلاک افراد میں مرد و خواتین کے علاوہ بچے بھی شامل ہیں۔مقامی حکومتی ذرائع کا کہنا ہے کہ حادثہ بس کے بریکنگ سسٹم میں تکنیکی خرابی کے باعث پیش آیا۔ابتدائی اطلاعات کے مطابق بس حادثے میں 20افراد ہلاک ہوئے ہیں جب کہ 24 افراد زخمی ہوئے۔کئی زخمیوں کی حالت تشویشناک بھی بتائی جا رہی ہے۔زخمیوں کو ہسپتال منتقل کر دیا گیا ۔

موضوعات:ایران