لاہور(این این آئی)پاکستان کرکٹ بورڈ کے چیئرمین احسان مانی نے کہا ہے کہ ایشیا ء کپ ہمیں نیوٹرل وینیو پر کروانا پڑے گا،ویسٹ انڈیز ٹیم کو پاکستان لانے کے لیے ماضی میں ہرکھلاڑی کو 25،25 ہزارڈالرز ادا کیے گئے تاہم آج پی سی بی نے کسی غیرملکی کھلاڑی کو پاکستان آنے کے لیے اضافی قیمت ادا نہیں کی۔میڈیا رپورٹ کے
مطابق انہوں نے کہا کہ ایشیا ء کپ کا میزبان پاکستان ہی ہے تاہم ایشیا ء کپ ہمیں نیوٹرل وینیو پر کروانا پڑے گا، اگرایشیا ء کپ کی میزبانی پاکستان میں کروانے کی ضد رکھی تو بھارت نہیں آئے گا، بھارتی کرکٹ بورڈ جو مرضی کہے ہمیں اس کی پروا نہیں جبکہ پی ٹی وی کے پاس براڈ کاسٹنگ کے حوالے سے زیادہ صلاحیت نہیں ہے۔
