اسلام آباد (این این آئی)پاکستان فٹبال فیڈریشن کی نا اہلی، سیف گیمز میں فٹبال ٹیم کی شرکت مشکوک ہو گئی۔ میڈیا رپورٹ کے مطابق 13ویں ساوتھ ایشین گیمز میں پاکستان فٹبال ٹیم کو شرکت سے قبل بڑا جھٹکا ،سیف گیمز آرگنائزنگ کمیٹی نے قومی فٹبال ٹیم کی شرکت پر اعتراض اٹھا دیا ،قومی فٹبال ٹیم کی سیف گیمز میں شرکت کیلئے ایکریڈیشن کارڈز بھی نا بن سکے ،سیف گیمز میں شرکت کیلئے آرگنائزنگ کمیٹی نے

20نومبر ڈیڈ لائن مقرر کر رکھی تھی ،پاکستان فٹبال فیڈریشن نے کھلاڑیوں اور آفیشلز کی تفصیلات 28نومبر کو بھجوائی ۔ذرائع کے مطابق سیف گیمز فٹبال ایونٹ کے ڈراز میں بھی پاکستان کا نام شامل نہیں ۔پاکستان اولمپک ایسوسی ایشن نے فٹبال ٹیم کی سیف گیمز میں نمائندگی کیلئے کوششیں شروع کر دی ،پاکستان اولمپک ایسوسی ایشن کے حکام نے نیپال میں سیف آرگنائزنگ کمیٹی سے رابطے کئے ۔

موضوعات:پاکستان فٹ بال فیڈریشن