اسلام آباد (این این آئی) سینیٹ میں قائمہ کمیٹی برائے بین الصوبائی رابطہ کے رکن فیصل جاوید نے کرکٹ میں تبدیلیوں پر تبصرہ کرتے ہوئے کہا ہے کہ بابر اعظم کو کپتان بنا کر زیادتی کی گئی اور وہ یہ معاملہ کمیٹی میں اٹھائیں گے۔ایک انٹرویو میں انہوں نے کہاکہ نئے کپتان پر بہت زیادہ دباؤہوگا، بابراعظم پر بھی دباوَ ڈال کر کارکردگی خراب کی جائیگی وہ اچھے کھلاڑی ہیں تاہم ان کی کارکردگی بھی متاثر ہوگی۔انہوں نے کہاکہ سرفرازاحمد کو ٹی20 کی کپتانی سے ہٹانے کی کوئی وجہ نہیں ان کی کارکردگی شاندار ہے، بطور کپتان ٹی 20 جیت کی
شرح زیادہ ہے۔سینیٹرفیصل جاوید کا کہنا تھا کہ سرفرازاحمد نے ٹی 20 میں مسلسل 11میچ جتوائے اور قومی ٹیم کو نمبر ون بنایا۔انہوں نے کہاکہ ہوم گراوَنڈ میں کھیلنے کے لیے پوری قومی ٹیم تبدیل کی گئی لہذا سارا ملبہ سرفرازاحمد پر نہیں ڈالا جاسکتا۔فیصل جاوید نے کہا کہ ٹی 20 میں سرفرازاحمد کا ریکارڈ بہت اچھا ہے، ٹی 20 کے کوچنگ اسٹاف کو تبدیل کرنا چاہیے۔انہوں نے کہاکہ مصباح الحق کے آنے کے بعد پہلی سیریز میں شکست ہوئی اور شاید توجہ ہٹانے کے لیے سرفراز احمد کو تبدیل کیا گیا ہے۔انہوں نے کہا کہ شعیب ملک ٹاپ20 کھلاڑیوں میں شامل ہیں اور انہیں بھی ٹی 20سے ہٹا دیا گیا ہے۔ سینیٹ میں قائمہ کمیٹی برائے بین الصوبائی رابطہ کے رکن فیصل جاوید نے کرکٹ میں تبدیلیوں پر تبصرہ کرتے ہوئے کہا ہے کہ بابر اعظم کو کپتان بنا کر زیادتی کی گئی اور وہ یہ معاملہ کمیٹی میں اٹھائیں گے۔ایک انٹرویو میں انہوں نے کہاکہ نئے کپتان پر بہت زیادہ دباؤہوگا، بابراعظم پر بھی دباوَ ڈال کر کارکردگی خراب کی جائیگی وہ اچھے کھلاڑی ہیں تاہم ان کی کارکردگی بھی متاثر ہوگی۔