اسلام آباد (مانیٹرنگ ڈیسک) طلاق دینا مہنگا پڑ گیا، عامر خان کی عمر بھر کی کمائی کا کتنا حصہ اب فریال کو ملے گا؟ نجی ٹی وی کے مطابق باکسر عامر خان نے اپنی اہلیہ فریال کو طلاق دے دی ہے ، عامر خان اور فریال دونوں ہی برطانوی شہریت رکھتے ہیں، یہ طلاق باہمی رضامندی سے نہیں ہوئی بلکہ فریال کی طرف سے صلح کرنے کی پیشکش بھی کی گئی تھی جسے عامر خان نے ٹھکرا دیا، اس وجہ سے یہ امکان ظاہر کیا جا رہا ہے کہ فریال طلاق کا کیس برطانوی عدالت میں لے کر جائیں
گی۔ پاکستانی نژاد باکسر عامر خان کے کل اثاثے تقریباً اڑھائی کروڑ پاؤنڈ ہیں، اس پر باکسر عامر خان کی سابق اہلیہ فریال دعویٰ دائر کریں گی اس دعویٰ سے فریال عامر خان کی آدھی دولت کی مالک بن جائیں گی، نجی ٹی وی کے مطابق برطانوی قانون کے تحت عامر خان کی دولت کا 40 سے 50 فیصد حصہ ان کی اہلیہ فریال کو دیا جائے گا یہ حصہ 10 سے 12 ملین پاؤنڈ بنتا ہے۔ ان دونوں کی بیٹی ابھی چھوٹی ہے اور عامر خان کو اس کے 18 سال ہونے تک تمام خرچہ برداشت کرنا پڑے گا۔
