شارجہ (آئی این پی)پاکستان سپر لیگ کی ٹیم کوئٹہ گلیڈی ایٹرز کے پانچ غیرملکی کرکٹرز نے سکیورٹی کے خدشات کے سبب لاہور نہ جانے کا فیصلہ کیا ہے جہاں پانچ مارچ کو اس لیگ کا فائنل کھیلا جائے گا۔ ان کرکٹرز میں انگلینڈ کے کیون پیٹرسن، لیوک رائٹ، ٹائمل ملز، جنوبی افریقہ کے رائلی روسواور نیوزی لینڈ کے نیتھن میککلم شامل ہیں۔ پیٹرسن، رائٹ، ملز اور میککلم نے
اس بارے میں منگل کی شب ہی اعلان کر دیا تھا اور پیٹرسن تو پہلے پلے آف کے فوراً بعد انگلینڈ بھی روانہ ہوگئے تھے۔رائلی روسو نے اپنے لاہور نہ جانے کی تصدیق بدھ کی شام ٹوئٹر پر ایک پیغام میں کی۔اپنے پیغام میں روسو کا کہنا تھا کہ ’وہ لوگ جو تاحال بے یقینی کا شکار ہیں، میں ایک بوجھل دل کے ساتھ اعلان کر رہا ہوں کہ میں فائنل میں حصہ نہیں لوں گا۔
