دبئی(آئی این پی) پاکستان سپرلیگ کےآغاز سے قبل پریکٹس میچ میں پشاور زلمی نے کوئٹہ گلیڈی ایٹرز کو 22 رنز سے ہرا دیا۔پی ایس ایل کی ٹیموں کی ایونٹ سے قبل بھرپور تیاریاں جاری ہیں اسی سلسلے میں گزشتہ روز پشاور زلمی اور کوئٹہ گلیڈی ایٹرز کے درمیان پریکٹس میچ کھیلا گیا۔پشاور نے پہلے بیٹنگ کرتے ہوئے مقررہ 20 اوورز میں تین وکٹوں پر 169 رنز بنائے۔

ڈیوڈ ملان نے 50، محمد حفیظ نے 46 اور حارث سہیل نے 39 رنز بنائے رنزبنائے۔جواب میں کوئٹہ کی ٹیم آٹھ وکٹوں پر 147 رنزبناسکی، سعد نسیم کے 48 گیندوں پر 85 رنز بھی کوئٹہ کو فتح دلانے کیلئے ناکافی ثابت ہوئے۔پاکستان سپر لیگ کا پہلا میچ نو فروری کو افتتاحی تقریب کے بعد پشاور زلمی اور دفاعی چیمپیئن اسلام آباد یونائیٹڈ کے درمیان کھیلا جائے گا۔

موضوعات:پاکستان سپرلیگ