لندن (نیوز ڈیسک) انگلینڈ کی پوری ٹیم سیریز کے چوتھے اور آخری ٹیسٹ میچ میں آل راؤنڈر معین کی شاندار سنچری کی بدولت 328 رنز بنا کر آؤٹ ہو گئی ہے۔ پاکستان کے فاسٹ بولر سہیل خان نے پانچ وکٹیں حاصل کی ہیں۔پاکستان کو مزید دو اوور کھیلنے ہیں۔ پاکستان کی طرف سے اظہر علی اور سمیع اسلم بیٹنگ کے لیے میدان میں اترے ہیں۔معین علی آؤٹ ہونے والے آخری کھلاڑی تھے جو 108 رنز بنا کر سہیل خان کی گیند پر یاسر شاہ کے ہاتھوں کیچ آؤٹ ہوئے۔ پاکستان نے معین علی کا اس وقت کیچ ڈراپ کیا جب ان کا سکور صرف نو رنز تھا۔سہیل خان انگلینڈ کے پانچ کھلاڑیوں کو آؤٹ کرکے سب سے کامیاب بولر رہے۔ وہاب ریاض نے تین جبکہ محمد عامر نے دو کھلاڑیوں کو آؤٹ کیا۔ یاسر شاہ اور افتخار احمد کے حصے میں کوئی وکٹ نہیں آئی۔