مبئی (نیوز ڈیسک) انڈیا میں محکمہ جنگلات کے حکام نے معروف کرکٹر رویندر جڈیجہ کے اپنی بیوی کے ہمراہ چار ایشیاٹک شیروں کے ساتھ سوشل میڈیا پر تصاویر پوسٹ کرنے پر 20,000 روپے جرمانہ عائد کر دیا۔ تفصیلات کے مطابق رویندر جدیجہ اور ان کی اہلیہ گجرات کے گیرنیشنل پارک میں سیر کرنے کیلئے گئے۔ جہاں انہوں نے شیروں کے ساتھ سیلفیاں بنوائیں جس پر انہیں جرمانہ کیا گیا۔ حکام کا کہنا ہے کہ پارک کی سیر کرنے والوں کو اپنی گاڑیوں سے اترنے کی اجازت نہیں ہے۔رویندر جدیجہ اور ان کی اہلیہ نے اس قانون کی خلاف ورزی کی جس پر انہیں جرمانہ کیا گیا۔