لاہو ر(این این آئی )پاکستان کرکٹ بورڈ کے چیئرمین شہریار خان نے عمر اکمل کو کلین چٹ دیدی ۔ ذرائع کے مطابق چیئرمین پی سی بی شہر یار خان سے گزشتہ روز عمر اکمل نے لاہور میں ملاقات کی اور عمراکمل نے آئندہ نظم و ضبط کے حوالے سے کسی قسم کا مسئلہ پیدا نہ کرنے کی یقین دہانی کروائی ہے۔ جس کے بعد چیئرمین پی سی بی نے ان کی معذرت قبول کر لی اور سلیکشن کمیٹی کو ہدایت کر دی کہ عمر اکمل آئندہ ہونیوالے ون ڈے میچز کیلئے دستیاب ہو ں گے جس کے بعد عمر اکمل کے ہاں مبارک باد دینے والوں کا رش لگ گیا۔