اسلام آباد(مانیٹرنگ ڈیسک) خدا کا ایک اور جیتا جاگتا کرشمہ ہو گیا۔ نجی ٹی وی رپورٹ کے مطابق لٹل ماسٹر حنیف محمد کے انتقال کی خبریں موصول ہو رہی تھیں۔ ڈاکٹرز کا کہنا تھا کہ کرکٹر حنیف محمد دل کی دھڑکنیں بند ہونے کے باعث چل بسے ہیں لیکن چند منٹ کے بعد معجزاتی طور پر کرکٹر حنیف محمد کی دل کی دھڑکنیں بحال ہو گئیں اور وہ زندگی کی طرف لوٹ آئے۔ ڈاکٹرز حنیف محمد کی دھڑکنیں اس طرح بحال ہونے پر ششدر رہ گئے۔ ڈاکٹرز کے مطابق طبی لحاظ سے ایسا نا ممکن ہے لیکن یہ سب کچھ ہماری آنکھوں کے سامنے ہوا ہے۔ ڈاکٹروں کے مطابق حنیف محمد کی دل کی دھڑکنیں 6 منٹ تک مسلسل بند رہیں اور اس کے بعد اچانک بحال ہو گئیں۔
واضح رہے کہ لٹل ماسٹر کراچی کے ایک مقامی ہسپتال میں زیر علاج ہیں جہاں انہیں وینٹی لیٹر پر رکھا گیا ہے۔ حنیف محمد کینسر کے مرض میں مبتلا ہیں۔