لاہور ( نیوزڈیسک ) آئی سی سی کے موجودہ ٹیسٹ رینکنگ سسٹم قومی ٹیم کا تیسرا نمبر جبکہ آسٹریلیا پہلی پوزیشن پر براجمان ہے۔تفصیلات کے مطابق 13 سالوں میں پاکستان کرکٹ ٹیم کبھی نمبر ون نہیں بنی ۔ مصباح الیون اوول ٹیسٹ جیت کر نمبر ون بن سکتی ہے۔ دوسری جانب آسٹریلوی ٹیم کیلئے نمبر ون پوزیشن برقرار رکھنے کیلئے اسے کولمبو ٹیسٹ میں سری لنکا کو شکست دینا لازی ہے۔ ادھر ویسٹ انڈیز کو 0۔3 سے ٹیسٹ سیریز ہرا کر بھارتی ٹیم کیلئے بھی نمبر ون بننے کا موقع موجود ہے تاہم انگلینڈ بھی پاکستان کو اوول ٹیسٹ میں ہرا کر ٹیسٹ کرکٹ کی رینکنگ میں ٹاپ پر آ سکتا ہے۔ آنے والے دنوں میں آسٹریلیا سے نمبرون ٹیسٹ ٹیم کا اعزاز کون چھینے گایہ فیصلہ ہونا ابھی باقی ہے۔