برمنگھم (این این آئی)برمنگھم ٹیسٹ میں شکست کے بعد پاکستان ٹیم مینجمنٹ نے اوول میں ہونے والے آخری اور اہم ٹیسٹ میچ کیلئے فائنل الیون میں متعدد تبدیلیوں پر غور شروع کر دیا سیریز میں شکست سے بچنے کیلئے پاکستان کو جمعرات سے ہونے والا اوول ٹیسٹ لازمی جیتنا ہو گا جس کیلئے ٹیم مینجمنٹ کمبی نیشن کو تبدیل کرنے پر غور کر رہی ہے ۔ محمد حفیظ کو ڈراپ کر کے افتخار احمد کو کھلائے جانے کا امکان ہے جنہیں پانچویں باؤلر کے طور پر بھی استعمال کیا جائیگا ۔اظہر علی جو ایجبسٹن ٹیسٹ میں پہلے ہی اوور میں بیٹنگ کیلئے آئے ان سے اوپننگ کرانے کی تجویز ہے ۔ ٹیم مینجمنٹ پر امید ہے اظہر علی کو کوئی مشکل نہیں ہو گی ۔ مینجمنٹ فاسٹ بولرز محمد عامر اور راحت علی کی پرفارمنس سے بھی مطمئن نہیں۔