کراچی(آئی این پی)لیجنڈ کرکٹر لٹل ماسٹر حنیف محمد کی حالت تشویش ناک ہے جس کے باعث ان کے اہل خانہ نے عوام سے ان کی صحت یابی کیلئے دعا کی اپیل کی ہے ۔تفصیلات کے مطابق لٹل ماسٹر حنیف محمد کوچند روز پہلے آغا خان ہسپتال میں داخل کرایا گیا تھا جہاں انہیں آئی سی یو میں رکھا گیا تھا۔ علاج کے بعد ان کی حالت قدرے بہتر ہوگئی تھی تاہم پیر کے روز تشویشناک حالت کے باعث ڈاکٹرز نے انہیں وینٹی لیٹر پر منتقل کر دیا ہے۔ کرکٹر حنیف محمد کے اہلخانہ نے عوام سے ان کی صحت یابی کیلئے دعا کی اپیل کی ہے ۔ واضح رہے کہ حنیف محمد پھیپھڑوں کے سرطان میں مبتلا ہیں۔