سینٹ کٹس( آن لائن ) عماد وسیم کی عمدہ باؤلنگ کی بدولت جمیکا تلاواز نے فیصلہ کن معرکے میں گیانا ایمزون واریئرز کو 9 وکٹوں سے شکست دے کر کیربیئن پریمیئر لیگ کا ٹائٹل جیت لیا، عماد وسیم نے 21 رنز کے عوض 3 کھلاڑیوں کو آؤٹ کیا، کرس گیل نے 54 رنز کی جارحانہ اننگز کھیلی۔ عماد وسیم میچ اور اینڈرے رسل ٹورنامنٹ کے بہترین پلیئر قرار پائے۔وارنر پارک، سینٹ کٹس میں کھیلے گئے فائنل میچ میں گیانا ایمزون کی ٹیم پہلے بیٹنگ کرتے ہوئے 16.1 اوورز میں 93رنز بنا کر آؤٹ ہوگئی سہیل تنویر 42رنز بنا کر نمایاں رہے عماد وسیم نے شاندار باؤلنگ کا مظاہرہ کیا اور 21رنز دیکر 3کھلاڑیوں کو پویلین کی راہ دکھائی شکیب الحسن اور کیسرک ولیمز نے دو ، دو وکھلاڑیوں کو آؤٹ کیا جواب میں جمیکا تلاواز نے ہدف 12.5اوور ز میں ایک وکٹ کے نقصان پر حاصل کرلیا کپتان کرس گیل نے 54 رنرکی شاندا ز اننگز کھیلی جس میں چھ چھکے شامل تھے چیڈوک والٹن 25رنز کے ساتھ نمایاں رہے عماد وسیم کو میچ اور آیندرے رسل کو ٹورنامنٹ کا بہترین پلیئر قرار دیا گیا۔