چنئی (نیوز ڈیسک) پاکستان کی انڈر 15 کسٹم کرکٹ ٹیم نے بھارت میں ہونے والا راجیو گاندھی کرکٹ ٹورنامنٹ جیت لیا ہے۔ تفصیلات کے مطابق بھارت میں ہونے والا راجیو گاندھی کرکٹ ٹورنامنٹ پاکستان کی انڈر 15 کسٹم کرکٹ ٹیم نے جیت لیا ہے۔ فائنل میں پاکستانی ٹیم نیتامل ناڈو کی مضبوط ٹیم کو 42 رنز سے شکست دے کر ٹائٹل اپنے نام کیا۔پاکستانی ٹیم کی جانب سے تامل ناڈو کی ٹیم کو 129 رنز کا ٹارگٹ دیا گیا۔ تاہم جواب میں تامل ناڈو کی ٹیم 87 رنز بنا سکی۔ پاکستان کی جانب سے سائم ایوب 52 رنز بنا کر نمایاں رہے۔ ٹورنامنٹ میں بھارت کی 10 ڈومیسٹک ٹیمیں جبکہ ایک پاکستان اور ایک بحرین کی ٹیم شرکت کر رہی تھی۔