اولڈ ٹریفورڈ(نیوزڈیسک)دوسرا ٹیسٹ،2001ء میں کیا ہوا تھا؟9ٹیسٹ میچوں کی جیت پر پھر خوف حاوی ہوگیا، تفصیلات کے مطابق اولڈ ٹریفورڈ انگلینڈ کا ایک ایسا کرکٹ گراؤنڈ ہے جہاں پر 2001ء میں پاکستان سے شکست کے بعد انگلینڈ کسی سے ایک میچ بھی نہیں ہارا ، آخری بار اس گراؤنڈ پر انگلینڈ کو شکست کامزہ چکھانے والی بھی پاکستان کی ہی ٹیم تھی ،انگلینڈ کرکٹ ٹیم کی انتظامیہ اس شکست کو ذہن میں رکھے ہوئے ہے اور اس بار خوش قسمتی سے ٹاس کافیصلہ بھی حق میں آنے کے بعد مزید ایڈوانٹیج حاصل ہوگیا ہے مگر پھر بھی پاکستان کے ہاتھوں شکست ان کے حواس پر اب بھی طاری ہے ، انگلینڈ پاکستان سے شکست کے بعد اس گراؤنڈ پر 9ٹیسٹ میچ کھیل چکا ہے جس میں سے 7اس نے جیتے جبکہ دو ڈرا ہوئے۔