سینٹ کٹس (مانیٹرنگ ڈیسک) ویسٹ انڈیز اور بھارت کی کرکٹ ٹیموں کے درمیان چار ٹیسٹ میچز پر مشتمل سیریز کا پہلا ٹیسٹ جمعرات سے سینٹ کٹس میں شروع ہو گا۔ بھارتی ٹیم سیریز کھیلنے کیلئے پہلے ہی ویسٹ انڈیز پہنچ چکی ہے، اس نے دو ٹور میچز کھیلے تاہم دونوں بے نتیجہ ثابت ہوئے۔ ویسٹ انڈیز اور بھارت کے درمیان سیریز کا پہلا ٹیسٹ 21 سے 25 جولائی تک سینٹس کٹس، دوسرا ٹیسٹ 30 جولائی سے 3 اگست تک جمیکا، تیسرا ٹیسٹ 9 سے 13 اگست تک گراس آئس لٹ جبکہ چوتھا اور آخری ٹیسٹ 18 سے 22 اگست تک پورٹ آف سپین میں کھیلا جائے گا۔