ڈی جی سپورٹس پنجاب عثمان انور کو مبارکباد دی۔انہوں نے کہا کہ ڈاکومنٹری سے ظاہر ہوتا ہے کہ پنجاب میں بہت ٹیلنٹ ہے اور ٹیلنٹڈ نوجوانوں کو صلاحیتوں کے اظہار کیلئے پنجاب یوتھ فیسٹیول بہترین پلیٹ فارم ہے۔ نشتر پارک سپورٹس کمپلیکس کے سکیورٹی انتظامات بہترین ہیں۔ بعد میں وفد نے سی سی ٹی وی کنٹرول روم کا بھی دورہ کیا جہاں ڈی جی سپورٹس پنجاب عثمان انور نے بریفنگ دی اوربتایا کہ نشتر پارک سپورٹس کمپلیکس کا کونہ کونہ مانیٹر کیاجاتا ہے۔ اس موقع پر بنگلہ دیش ہائی کمشن کے سکیورٹی امور کے مشیر اعزاز الرحمان نے سی سی ٹی وی کنٹرول روم کو جدید اور مکمل قرار دیتے ہوئے کہا کہ سکیورٹی کیلئے کنٹرول روم بہت مددگار ثابت ہوگا۔ انہوں نے نشتر پارک سپورٹس کمپلیکس میں سکیورٹی کے انتظامات پر بھرپور اطمیان کا اظہار کرتے ہوئے کہا کہ سکیورٹی انتظامات انتہائی فول پروف ہیں جس سے ہم مطمئن ہیں۔دریں اثناءصوبائی وزیر کھیل رانا مشہود احمد خان نے کہا ہے کہ قوم سے وعدہ کیا تھا کہ بین الاقوامی کرکٹ ملک میں بحال کریں گے وہ وعدہ پورا کردیا، زمبابوے کرکٹ ٹیم کے دورہ پاکستان کے بعد اب بنگلہ دیش کی وومن کرکٹ ٹیم بھی پاکستان آرہی ہے، دورہ پاکستان خوش آئند ہے، پنجاب حکومت یقین دلاتی ہے کہ جس طرح زمبابوے کرکٹ ٹیم کو انتہائی اعلیٰ سطحی کی سکیورٹی فراہم کی گئی تھی بنگلہ دیش وومن کرکٹ ٹیم کو بھی اسی طرح کی سکیورٹی فراہم کریں گے۔ ان خیالات کا اظہارانہوں نے منگل کے روز نیشنل ہاکی سٹیڈیم میں بنگلہ دیش کے سکیورٹی وفد سے ملاقات کے بعد میڈیا سے گفتگو کرتے ہوئے کیا رانا مشہود احمد خان نے کہا کہ ملک میں بین الاقوامی کرکٹ بحال ہورہی ہے زمبابوے کرکٹ ٹیم سے قبل درجنوں ممالک کی ٹیمیں پاکستان آچکی ہیں۔ بنگلہ دیش کے وفد نے تمام سکیورٹی معاملات کا جائزہ لیا ہے اور ڈی جی سپورٹس پنجاب عثمان انور نے وفد کو تفصیلی بریفنگ دی ہے۔ وزیراعلیٰ پنجاب شہباز شریف کے ویژن اور ہدایت کے مطابق فول پروف سکیورٹی کے انتظامات کئے گئے ہیں، بنگلہ دیش وومن کرکٹ ٹیم کے دورے کیلئے تمام انتظامات مکمل کرلئے گئے ہیں۔ہم امید کرتے ہیں کہ بہت جلد بنگلہ دیش کی مردوں کی ٹیم بھی پاکستان آئے گی اور عوام کو اچھی کرکٹ دیکھنے کو ملے گی۔بعد ازاں صوبائی وزیر رانا مشہود احمد خان نے وفد کو سویئنر بھی پیش کئے اس موقع پر ڈی جی سپورٹس پنجاب عثمان انور بھی موجود تھے۔