نئی دہلی(نیوز ڈیسک) بھارتی ہوم منسٹر کیرن ریجیجو بھی پاک بھارت سیریز پر بی سی سی ائی کی ”ٹال مٹول مہم“ میں شریک ہوگئے، ان کا کہنا ہے کہ باہمی مقابلوں کے حوالے سے کوئی تجویز موصول نہیں ہوئی، فی الحال کرکٹ کے بارے میں کچھ نہیں کہا سکتا لیکن فیصلہ قوم کے بہترین مفاد میں ہوگا۔تفصیلات کے مطابق فیوچر ٹور پروگرام کے تحت پاکستان کو دسمبر میں بھارت کی میزبانی کرنا ہے،یو اے ای میں سیریز کے انعقاد کیلئے دونوں ممالک کے کرکٹ بورڈز میں ایم او یو پر دستخط بھی ہوچکے، مگر بھارت کے تیور بدلے ہوئے ہیں، حکومت بھی اب باقاعدہ طور پر بی سی سی ائی کی ٹال مٹول مہم کا حصہ بنتی نظر ارہی ہے، اس سے قبل سیاسی حلقوں میں پاکستان کیخلاف ہرزہ سرائی تو جاری تھی لیکن کرکٹ کے بارے میں بات کرنے سے گریز ہی کیا جارہا تھا۔گذشتہ روز یونین منسٹر اف اسٹیٹ فار ہوم کیرن ریجیجو بھی انوراگ ٹھاکر کی ہمنوائی کرتے نظر ائے،ایک میٹنگ کے بعد میڈیا سے بات چیت کرتے ہوئے انھوں نے کہا کہ پاک بھارت سیریز کے حوالے کوئی تجویز ہمیں موصول نہیں ہوئی، کرکٹ کے بارے میں فی الحال کچھ نہیں کہہ سکتا لیکن پڑوسی ممالک میں باہمی مقابلوں کے بارے میں قوم کے بہترین مفاد میں فیصلہ کریں گے۔