1965کی پاک بھارت جنگ کے دوران پاک وطن کے عظیم سپوتوں نے عزم و ہمت اور بلند حوصلے کی وہ مثالیں قائم کیں کہ دنیا حیران رہ گئی، عالمی دفاعی ماہرین نے 1965کی جنگ کو تاریخ کی حیران کن جنگ قرار دیا۔ جنگ ستمبر کے دوران جہاں پاک وطن کے

سپورت جرأت ، شجاعت اور بہادری کی مثالیں رقم کرتے رہے وہیں چند ایسے واقعات بھی پیش آئے جن سے بخوبی اندازہ لگایا جا سکتا ہے کہ پاک فوج کے جوان اور افسر ذہنی اعتبار سے بھارتی فوج سے کئی گنا آگے تھے ، کسی بھی جنگ کے دوران درست اور بروقت فیصلے جنگ کا پانسہ پلٹ دینے کی صلاحیت رکھتے ہیں، یہاں ہم آپ کو پاک فوج کے ایک ایسے ذہین اور بہادر افسر کا داستان سنانے جا رہے ہیں جنہوں نے اپنی حاضر دماغی سے نہ صرف دشمن کی قید میں جانے سے خود کو بچا لیا بلکہ 70بھارتی فوجیوں کو جنگی قیدی بنا لیا ۔ لیفٹننٹ کرنل نصیر اللہ بابر جنہوں نے غلطی سے اپنا ہیلی کاپٹر بھارتی فورسز کے کیمپ کے قریب بھارت کے ایک محفوظ علاقہ میں لینڈ کرلیا تھا۔جب انہیں ادراک ہوا تو حواس کھونے کی بجائے انہوں نے حاضر دماغی سے کام لیا اور بھارتی فوجیوں کو حکم دیا کہ پاکستانی فوج نے تمہیں چاروں طرف سے گھیر لیا ہے لہٰذا اپنے ہتھیار ڈال دو۔ بھارتی فوج کے بزدل جوانوں نے ٹھیک ایسا ہی کیا اور نصیر اللہ بابر کے کہنے پر اپنے ہتھیار ڈال دئے۔ جس کے بعد لیفٹننٹ کرنل نصیر اللہ بابر نے 70 بھارتی فوجیوں کو بڑی ہوشیاری سے بے وقوف بنا کر جنگی قیدی بنا لیا۔