خرطوم(این این آئی)سوڈان سے سمندر کے راستے 245 افراد پر مشتمل عازمین حج کا پہلا گروپ بحری جہاز سے جدہ اسلامی بندر گاہ پہنچ گیا۔
میڈیارپورٹس کے مطابق سوڈان میں فوج اور نیم فوجی گروپ آر ایس ایف میں جاری جنگ کے باعث نامساعد حالات میں بھی سوڈانیوں کی حج کی ادائیگی کا راستہ نکل آیا۔سوڈانی عازمین کا جدہ میں وزارت حج و عمرہ کے ڈائریکٹر جنرل عبدالرحمن الغنام ، جدہ اسلامک پورٹ پر محکمہ حج و عمرہ کے ڈائریکٹر نائب صدر مازن بن سعید الغامدی اور دیگر نے استقبال کیا۔ حکام نے آنے والے عازمین حج کو مبارک باد پیش کی اور انہیں گلدستے، عجوہ کھجور ار آب زم زم پیش کیا گیا۔
