کراچی(این این آئی) گورنر سندھ کامران ٹیسوری نے طویل القامت شخص نصیر سومرو کے ہر ماہ 50ہزار روپے دینے کا اعلان کردیا۔تفصیلات کے مطابق بدھ کو گورنر سندھ کامران ٹیسوری نے عرصے سے علیل طویل القامت شخص نصیر سومرو کے گھر پہنچ کر ان کی خیریت دریافت کی۔

گورنر سندھ نے نصیر سومرو کو جنریٹر، یو پی ایس، بیڈ، ہر ماہ 50ہزار روپے دینے کا اعلان کیا اور کہا کہ انہیں 10 لاکھ روپے کی گرانٹ جولائی میں دیں گے۔کامران ٹیسوری نے کہا کہ نصیر سومرو کی حالت دیکھ کر افسوس ہوا، ہم اپنے فخر پاکستان کہلائے جانے والوں سے ایسا سلوک کررہے ہیں۔انہوں نے کہا کہ ایک ہفتے میں نصیر سومرو کے قد کے مطابق بیڈ بنوا کر دیا جائے گا، مخیر حضرات سے کہہ کر نصیر سومرو کے لیے ایک گھر بھی دلائوں گا۔بعدازاں میڈیا سے گفتگو کرتے ہوئے گورنر سندھ نے کہا کہ مویشی منڈی جانے والے لوگوں سے لوٹ مار کی مذمت کرتا ہوں، پولیس اور انتظامیہ حفاظتی اقدامات کے لیے اپنا کردار ادا کرے۔