ممبئی (این این آئی)بالی ووڈ انڈسٹری کی لیجنڈری اداکارہ جیا بچن نے انکشاف کیا کہ بالی ووڈ فلم انڈسٹری کے کئی افراد کو ان کے امیتابھ بچن کے ساتھ کام کرنے پر اعتراض تھا کہ امیتابھ بچن کبھی بڑے اداکار نہیں بن سکتے۔بھارتی میڈیا رپورٹس کے مطابق 2010 میں دیئے گئے

ایک انٹرویو میں انکشاف کیا کہ انڈسٹری کے کئی لوگ ان سے امیتابھ بچن کے ساتھ کام کرنے پر سوال کیا کرتے تھے کہ ’کیا تم پاگل ہو؟‘ ، جبکہ کئی لوگوں نے کہا کہ امیتابھ کبھی بڑے اداکار نہیں بن پائیں گے۔انہوں نے یہ بھی بتایا کہ ان سے سوال کرنے والے کئی لوگوں نے امیت جی کے ساتھ باقاعدگی سے کئی پروجیکٹس میں کام کیا، یہ وہی لوگ تھے جن کا خیال تھا کہ امیتابھ کبھی بڑے اداکار نہیں بن پائیں گے۔انہوں نے اپنے انٹرویو میں یہ بھی کہا کہ اگر کسی میں واقعی اچھا اداکار بننے کی صلاحیت ہے تو وہ سخت محنت سے بن سکتا ہے۔ پھر چاہے وہ کوئی بھی ہو۔انہوں نے اپنے اس انٹرویو میں اپنے شوہر کو سب سے بہترین اداکار قرار دیتے ہوئے مزید کہا کہ ایک ماں کی حیثیت سے نہیں بلکہ ایک اداکار کی طالب علم ہونے کی حیثیت سے یہ کہوں گی کہ اگر کوئی اداکاری میں امیتابھ بچن کا مقابلہ کرسکتا ہے تو کرکے دکھائے پھر چاہے وہ ابھیشیک بچن ہو یا پھر شاہ رخ خان۔یاد رہے کہ امیتابھ بچن نے 1969 میں فلم ’سات ہندوستانی‘ سے اور جیا بچن نے 1971 کی فلم ’گڈی‘ سے اداکاری کے شعبے میں قدم رکھا۔ اس کے بعد اس جوڑی نے کئی مقبول فلموں میں ایک ساتھ کام کیا جس میں ایک نظر، زنجیر ، ابھیمان، چپکے چپکے، شعلے ، ملی، سلسلہ اور کبھی خوشی کبھی غم جیسی فلمیں شامل ہیں۔