لاس اینجلس (آن لائن) امریکی گلوکارہ لیڈی گاگا کے کتے کو گولی مارنے والے شخص کو 21 سال قید کی سزا سْنا دی گئی۔
غیر ملکی میڈیا رپورٹ کے مطابق گزشتہ سال لیڈ ی گاگا کے پالتو کتے والکر کو گولی مار کر زخمی کرنے والے اور اْن کے دو نایاب فرانسیسی بْل ڈوگس کو چْرانے والے شخص جیمز ہاورڈ جیکسن کو عدالت نے 21 سال قید کی سزا سْنا دی ہے۔حکام کا کہنا ہے کہ بْل ڈوگس کو چْرانے کا مقصد اس سے نایاب نسل کے کتوں کی ہزاروں ڈالرز قیمت تھی تاہم ملزم ا س بات سے واقف نہیں تھا کہ یہ کتے امریکی گلوکارہ لیڈی گاگا کا ہے۔مجرم جیمز ہاورڈ جیکسن نے پیر کے روز قتل کی کوشش کے الزام کیلئے مقابلہ نہ کرنے کی درخواست کی، جو کیلیفورنیا میں مجرمانہ درخواست کے مترادف ہے۔ واضع رہے کہ جیمز ہاورڈ جیکسن نے عدالت میں یہ بھی اعتراف کیا کہ اس نے ایک شخص کو سینے میں گولی مارکر شدید زخمی کر دیا تھا جو اس حملے سے بچ نکلا۔
