اسلام آباد ( این این آئی) قومی کرکٹ ٹیم کے فاسٹ بولر حارث رئوف آسٹریلیا میں ٹی ٹونٹی ورلڈ کپ کے بعد اپنے گھر پہنچ گئے۔اسلام آباد پہنچنے پر حارث رئوف کے اہل خانہ اور دوست احباب نے ان کا استقبال کیا۔حارث رئوف کے گھر کے باہر مداحوں نے ڈھول کی تھاپ پر رقص بھی کیا۔اس سے قبل پی سی بی کے چیئرمین رمیز راجہ سمیت کپتان بابر اعظم، آصف علی، عثمان قادر، فاسٹ بولر نسیم شاہ اور دیگر آفیشل نجی ایئر لائن کے ذریعے لاہور کے علامہ اقبال انٹرنیشنل ایئرپورٹ پہنچے تھے۔واضح رہے کہ ٹی ٹونٹی ورلڈ کپ کے فائنل میں پاکستان ٹیم کو انگلینڈ سے شکست ہوئی تھی۔