نوابشاہ (این این آئی)نوابشاہ میں نالے کا کٹ بند کرنے پر مقامی افراد کے حملے سے اسسٹنٹ کمشنر کی سکیورٹی پر مامور اہلکار کلہاڑی کے وار سے جاں بحق ہو گیا۔
نوابشاہ میں علی رضا موری سیم نالیکا کٹ بند کرنے پر مقامی افراد کا ریونیو اہلکاروں پر حملہ ہوا جس سے اسسٹنٹ کمشنر قاضی احمد کی سکیورٹی پر مامور اہلکار کلہاڑی کے وار سے جاں بحق ہوگیا۔پولیس نے بتایاکہ واقعہ میں ملوث 4 ملزمان کو گرفتار کر کے تفتیش شروع کر دی گئی ہے۔انتظامیہ نے بتایا کہ مقامی افراد نیعلی رضا موری سیم نالیمیں غیر قانونی کٹ لگایا تھا۔دوسری جانب سیلابی ریلا دادو کی تحصیل خیرپورناتھن شاہ میں داخل ہوگیا جس کے باعث بائی پاس روڈ کے نشیبی علاقے میں 10 فٹ اور شہر میں 2 سے 5 فٹ تک پانی جمع ہے،نوابشاہ سکرنڈ روڈ پر برساتی اور سیم نالوں کے شگاف سے پورا علاقہ ڈوب گیا۔ادھر ٹنڈو آدم میں سوئی نہر میں شگاف پڑنے سے پانی شہر کی جانب بڑھنے لگا، ضلع شکارپور کے بھی کئی گاؤں اب تک حکومتی امداد کے منتظر ہیں۔
