چیئرمین تحریک انصاف عمران خان نے پارٹی کو اہم احکامات جاری کر دیے

لاہور(آن لائن) پاکستان تحریک انصاف نے آئندہ عام انتخابات کی تیاریاں شروع کر دیں۔ذرائع کے مطابق

چیئر مین پی ٹی آئی اور سابق وزیراعظم عمران خان نے ٹائیگر فورس کو فوری طور پر متحرک کرنے کا حکم دے دیا

اور اس کے لیے ایک کمیٹی بھی تشکیل دیدی۔عمران خان کی طرف سے ٹائیگر فورس کو متحرک کرنے کیلئے بنائی گئی

کمیٹی کا کنونیئر سنیٹر سیف اللہ خان نیازی کومقرر کردیا، کمیٹی میں تمام صوبوں اور وفاق سے 12 ارکان شامل کیے گئے ہیں۔

ارکان میں شیر علی ارباب، سلمان امجد، چودھری اقبال، شاہد حسین، خواجہ شمس، سہیل ا?فریدی، ارسلان خالد،

فرید رحمان، رانا ندیم، عبدالکریم اور نعمان گل کمیٹی میں شامل ہیں۔ٹائیگر فورس کمیٹی پورے ملک میں عمران خان

ٹائیگر فورس کی تنظیم سازی کرے گی، یہ کمیٹی براہ راست عمران خان کو رپورٹ دے گی، عمران خان نے کمیٹی کا پہلا اجلاس بھی طلب کر لیا ہے۔

نوٹیفکیشن کے مطابق یہ کمیٹی گراس روٹ لیول پر کارکنوں کو متحرک کرے گی۔ فورس الیکشن ڈے اور پولنگ سکیم کو منظم کرے گی۔ پی ٹی ا?ئی ورکر کو یونین کونسل کی سطح پر منظم کرے گی۔

موضوعات:عمران خان