اسلام آباد(این این آئی)سابق وزیر اعظم اور پاکستان تحریک انصاف کے چیئرمین عمران خان نے کہاہے کہ تصور نہیں کرسکتا تھا کوئی شہباز شریف کو وزیراعظم بنا دے گا۔ سیمینار سے خطاب کرتے ہوئے انہوں نے کہا کہ جب مجھے اس سازش کا پتہ چلا اور مجھے

سازش کا سال پہلے اندازہ ہوا تھا کہ گیم شروع ہوئی ہے، میں جب بھی سوچتا تھا تو یہ سازش کیسے ہوگی کیا شہباز شریف کو کوئی ملک کا وزیراعظم بنا دیگا۔انہوںنے کہاکہ لوگ کہتے ہیں عمران خان جب آپ کو سازش کا پتہ چلا تھا تو کچھ کیوں نہیں کیا، میں ایمان داری سے کہہ رہا ہوں کہ میں تصور بھی نہیں کرسکتا ہوں کہ کوئی شہباز شریف کو ملک کا وزیراعظم بنا دے گا۔عمران خان نے کہا کہ ایک دن نیوٹرلز سے بات کی اور کہا کہ اس کے اور ان کے بیٹوں کے اوپر ایف آئی اے کا 16 ارب اور نیب کا 8 ارب کا کیس ہے، اتنے اوپن کیسز کیسے کے نہیں ہیں۔وزیراعظم شہباز شریف کے خلاف دائر مقدمات پر بات کرتے ہوئے انہوں نے کہا کہ اتنا بلیک اینڈ وائٹ کسی کے نہیں ہیں، نواز شریف نے پھر بھی اپنے نام پر کچھ نہیں کیا اور بیٹی کے نام پر فلیٹ لیا لیکن اس کیس میں یہ اور اس کے بیٹے براہ راست ملوث ہیں۔ عمران خان نے کہاہے کہ تصور نہیں کرسکتا تھا کوئی شہباز شریف کو وزیراعظم بنا دے گا۔ انہوں نے کہا کہ اگر کوئی عام آدمی ہوتا تو اس ملک میں اس کو دو دن میں جیل میں ڈال دیا جاتا۔