لاہور( این این آئی)سرکاری حج سکیم کے تحت حج سکیم کی آن لائن رجسٹریشن کا آغاز ہو گیا ،بینکوں کے ذریعے رجسٹریشن اور ٹوکن رقم کی وصولی کا سلسلہ 9مئی سے شروع ہوگا، امسال حج کی لاگت 7سے10لاکھ روپے کے درمیان رہنے کا امکان ہے ۔ وزارت مذہبی اموروبین

المذاہب ہم آہنگی کے مطابق سعودی حکومت نے تیاریوں کو مکمل کرنے کے لئے 16مئی 2022ء تک وقت مقرر کیا ہے لہٰذا عید کی چھٹیوں مین وقت کی بچت کیلئے حج درخواستیں پہلی بار وزارت کی ویب سائٹ www.hajjinfo.orgکے ذرایعے آن لائن بھی وصول کی جائیں گی ۔ حج درخواستوں کی آن لائن رجسٹریشن یکم مئی سے13مئی تک ہو گی جبکہ بینکوں کے ذریعے رجسٹریشن اور ٹوکن فیس کی وصولی 9سے13مئی تک ہو گی ۔وزارت کے مطابق سعودی عرب سے ملنے والی حج اخراجات کی تفصیلات ابھی تک نا مکمل ہیں تاہم سعودی عرب میں سہولیات کی قیمتوں اور ٹیکس شرح میں اضافے کے باعث اخراجات کا تخمینہ 7سے10لاکھ کے درمیان متوقع ہے۔سرکاری حج سکیم کی قرعہ اندازی گروپوں کی بنیاد پر15مئی کو ہو گی ،امسال 81132پاکستان حجاج کرام ریضہ حج ادا کریں گے ۔ وزارت حج کے مطابق مشین ریڈ ایبل پاسپورٹ کی معیاد 5جنوری2023جبکہ کارآمد شناختی کارڈ اور تازہ ترین صحت کا سرٹیفکیٹ بھی لازمی ہے ۔ درخواست گزارکیلئے عمر کی بالائی حد 15اگست2022ء تک 65سال سے زائد نہ ہو ،کورونا ویکسی /بوسٹر ڈوز کا سرٹیفکیٹ اور روانگی سے 72گھنٹے قبل پی سی آر ٹیسٹ لازمی ہے۔