لاہور( این این آئی )وزیر اعلیٰ پنجاب محمد حمزہ شہباز شریف نے ماڈل ٹائون میں جہانگیر ترین سے ان کی رہائش گاہ پر ملاقات کی،ـجہانگیر ترین اور ان کے گروپ کے ارکان نے وزیر اعلی حمزہ شہباز کا خیر مقدم کیاـجہانگیر ترین نے وزارت اعلیٰ کاحلف اٹھانے پر
محمد حمزہ شہباز شریف کو مبارکباد دی ،ـوزیراعلیٰ پنجاب حمزہ شہبازنے جہانگیر ترین کی خیریت دریافت کی اوران کی صحت کے لئے نیک خواہشات کااظہار کیاـ وزیراعلیٰ حمزہ شہبازشریف نے کہاکہ میں جہانگیر ترین اور ان کے گروپ کی حمایت پر شکریہ ادا کرتا ہوں۔ اکٹھے چلیں گے اور پنجاب کو ترقی کی راہ پر گامزن کرینگے۔ انتقام نہیں، رواداری اور برداشت کی سیاست کریں گے۔ڈپٹی سپیکرپنجاب اسمبلی دوست محمد مزاری،نعمان لنگڑیال،سعید اکبر نوانی، عطااللہ تارڈ،ملک محمد احمد خان،اجمل چیمہ،سردار اویس لغاری، اسحاق خاکوانی ، قاسم لنگاہ اور دیگر سیاسی شخصیات بھی اس موقع پر موجود تھیںـعلاوہ ازیں وزیر اعلیٰ پنجاب محمد حمزہ شہبازشریف نے حضرت علی ہجویری داتا گنج بخش کے مزار پر حاضری دیـ وزیر اعلیٰ پنجاب محمد حمزہ شہبازشریف نے مزار پر پھولوں کی چادر چڑھائی اور دعا کیـوزیر اعلیٰ پنجاب محمد حمزہ شہباز شریف نے حضرت داتا گنج بخش کے مزار پر ملک و قوم کی ترقی و خوشحالی، سلامتی، استحکام اور سربلندی کیلئے دعا کیـ وزیراعلیٰ محمد حمزہ شہبازشریف نے کہاکہ حضرت داتا گنج بخش نے برصغیر میں امن و آشتی کا درس دیا۔آج ہمیں امن ، رواداری اور برداشت کے راستے پر چلنے کی ضرورت ہےـ
