لاہور(این این آئی)لاہور ہائیکورٹ نے لڑکیوں کی شادی سے متعلق بڑا فیصلہ جاری کرتے ہوئے کہا ہے کہ لڑکی بالغ ہو جائے تو اپنی مرضی سے شادی کرسکتی ہے۔لاہور ہائیکورٹ کے جسٹس ملک شہزاد احمد نے زیادتی اور اغوا ء کے کیس میں سزا پانے والے ملزم عبد الرحمان کی اپیل پر تحریری فیصلہ جاری کیا۔فیصلے میں کہا گیا کہ لڑکی ریحانہ کو اغوا ء کرنے کا مقدمہ درج کرایا گیا، ریحانہ کو کسی نے اغوا ء نہیں کیا، لواحقین کے مطابق لڑکی کی عمر ساڑھے 14سال ہے قانونا ًنکاح نہیں کرسکتی۔لاہورہائیکورٹ نے کہا میڈیکل رپورٹ کے مطابق لڑکی بالغ ہے جبکہ بہن کے مطابق ریحانہ نے مرضی سے پسند کی شادی کی، بعد میں گھر والوں کے دبا ؤمیں آکر خلع لے کر زیادتی کا مقدمہ درج کرایا گیا۔عدالت نے زیادتی اور اغوا ء کے کیس میں سزا پانے والے عبد الرحمان کوبری کردیا۔ملزم کے خلاف تھانہ پاکپتن میں زیادتی اور اغوا کا مقدمہ درج تھا۔