​اسلام آباد، لاہور (مانیٹرنگ ڈیسک ، این این آئی )جہانگیر ترین گروپ کے پارلیمانی لیڈر راجہ ریاض نے اہم بیان جاری کرتے ہوئے کہاہے کہ میں کہیں غائب نہیں ہوں بلکہ اس​​لام آباد میں ہوں اور اپنے ووٹ کا حق استعمال کروں گا۔

میڈیا رپورٹس کے مطابق راجہ ریاض کا کہناتھا کہ عجیب بات ہے کہ گالم گلوچ پاکستان تحریک انصاف  کا ٹریڈ مارک بنا دیا گیاہے ، پی ٹی آئی گالم گلوچ کی سیاست پر یقین نہیں رکھتی ہے ، نااہل مشیروں کی وجہ سے پی ٹی آئی کو اس صورتحال کا سامنا ہے ، وزیراعظم عمران خان سے اپیل ہے کہ وہ مہنگائی اور کرپشن کے خاتمے کیلئے اقدامات کریں ۔دوسری جانب صوبائی وزیر جنگلات سبطین خان نے کہا ہے کہ تحریک عدم اعتماد کامیاب نہیں ہو گی، 25 مارچ کو اتحادیوں کا فیصلہ آنے دیں، حالات بہتر ہوں گے۔میڈیا سے گفتگو کرتے ہوئے صحافی کے سوال کے جواب میں صوبائی وزیر سبطین خان نے کہا کہ آپ فرض ہی کیوں کر رہے ہیں کہ اتحادی ساتھ چھوڑ گئے، کیا اتحادیوں نے ساتھ چھوڑنے کا اعلان کردیا ہے مجھے تو معلوم نہیں۔انہوں نے کہا کہ سب واضح تب ہو گا جب چھوڑنے والے خود کہیں گے۔انہوں نے کہا کہ عمران خان کہاں پریشان ہیں، مجھے تو نہیں لگ رہے،اتحادی جماعت مسلم لیگ (ق) کے مرکزی رہنما پرویز الٰہی نے کہا ہے وہ 25 تاریخ تک اپنا فیصلہ لے لیں گے۔

موضوعات:راجہ ریاض