لاہور(این این آئی)جنرل سیکریٹری اور پارلیمانی لیڈر پیپلزپارٹی پنجاب سید حسن مرتضی نے کہا ہے کہ عمران خان پاکستان کو ایک موذی مرض کی طرح چمٹ گیا ہے،
مافیاز کے ساتھ ملکر اس بیماری نے بخار کی گولیاں تک غائب کر دی ہیں،مافیاز عمران خان کو کمیشن دے کر بخار کی دوائی کی قیمت بھی چار گنا بڑھانے لگی ہے۔اپنے ایک بیان میں انہوں نے کہا کہ نیازی واردات پر ہے، اس ٹولے نے ملک کو کنگال کر دیا اور خود امیر ہو گئے، اس ظالم نے سرمایہ داروں کو کھربوں روپے کا فائدہ پہنچایا، غریب سے روٹی ، کپڑا اور مکان چھین لیا،کہاں ہیں خودکشی کے دعوے اور کہاں گئی سلیکٹڈ کی غیرت ؟،آج یہ آئی ایم ایف سے بھیگ میں ایک ارب ڈالر ملنے پر خوشی سے پھولے نہیں سما رہے، اس ہائبرڈ حکومت سے نجات کے بنا عوام کو سکھ کا سانس نہیں ملے گا۔چیئرمین بلاول بھٹو زرداری کی حکمت عملی کے مطابق تو عمران حکومت گذشتہ برس ہی ختم ہو جاتی، پرانے لاڈلوں نے عین موقع پر پی ڈی ایم کی تحریک کو متنازعہ بنا کر عمران خان کو نئی زندگی دی،پی پی پی میدان میں ہے، ہم اس حکومت کے خاتمے تک اب سکھ سے نہیں بیٹھیں گے۔
