دبئی (این این آئی)قومی ٹیم کے نوجوان فاسٹ بولر شاہین شاہ آفریدی نے کہا ہے کہ ہم ہارے نہیں بلکہ ہم نے سیکھا ہے۔گزشتہ روز کھیلے گئے آئی سی سی ٹی ٹوئنٹی ورلڈکپ کے

سیمی فائنل میں آسٹریلیا نے پاکستان کو سنسنی خیز مقابلے کے بعد 5 وکٹوں سے شکست دی تھی۔پاکستانی ٹیم آسٹریلیا سے شکست کے بعد ٹورنامنٹ سے تو ہاہر ہو گئی تاہم گرین شرٹس نے جس طرح کا مقابلہ کیا اس پر وزیراعظم عمران خان اور چیئرمین پی سی بی سمیت سابق کرکٹرز اور پوری قوم پاکستان کرکٹ ٹیم کو سپورٹ کر رہی ہے۔قومی کھلاڑیوں کی جانب سے بھی سوشل میڈیا پر اپنے جذبات کا اظہار کیا گیاشاداب خان، سرفراز احمد اور محمد رضوان کے بعد اب شاہین شاہ آفریدی نے بھی اپنے ٹوئٹر ہینڈل پر ایک پیغام جاری کیا ہے۔نوجوان فاسٹ بولر نے سوشل میڈیا پوسٹ میں پاکستانی قوم کے نام پیغام میں لکھا کہ ہم نے پورا زور لگایا اور آئندہ بھی یہ سلسلہ جاری رکھیں گے۔شاہین شاہ آفریدی کا کہنا تھا کہ ہم ہارے نہیں بلکہ ہم نے سیکھا ہے، انشاء اللہ ہم مضبوط ہو کر واپس آئیں گے اور خوشیاں بکھیریں گے۔