اسلام آباد(آن لائن) قومی اسمبلی کے اجلاس میں حکومت اپوزیشن کے سوالات کے جواب دینے سے قاصر نظر آئی ،وزارت قانون اور توانائی کے متعلق سوالات پر حکومتی ذمہ دار نمائندگان بے بس نظر آئے ۔سپیکر نے اپوزیشن کی حمایت کرتے ہوئے حکومتی نمائندوں کو تفصیل کے ساتھ جواب دینے کی ہدایت کر دی ۔ قومی اسمبلی کا اجلاس پینل آف دی

چیئر کے رکن امجد نیازی کی زیر صدارت ہوا ۔ رکن قومی اسمبلی طاہرہ اورنگزیب کے سوال ملک کے کون سے شہروں میں آئیڈیل کورٹ کام کر رہی ہیں تعداد کتنی ہے ؟ 2020 سے سوال ہے مگر جواب نہیں دیا گیا جس پر پارلیمانی سیکرٹری لاء اینڈ جسٹس ملیکا بخاری نے کہا کہ یہ معلومات ہمارے دائرہ کار میں نہیں۔ اعلی عدالت سے ہی موصول ہو سکتی ہے اور جواب نہ ملنے پر مزید خطوط لکھے جا سکتے ہیں مگر زبردستی نہیں کر سکتے جونہی عدالت عالیہ سے جواب موصول ہو گا ایوان میں رکھ دیں گے اس موقع پر رکن قومی اسمبلی مندوخیل نے کہا کہ ماڈل کورٹس کا علم نا اہل حکومت کو نہیں ہے ایوان کا ماحول خراب نہ کیا جائے آئیڈیل کورٹ کے حوالے سے معلومات ہمارے پاس نہیں ہیں اس موقع پر رکن قومی اسمبلی چوہدری فقیر نے کہا کہ ملیکا بخاری کی بے بسی پر افسوس ہو رہا ہے اگر پارلیمنٹ سے کوئی بڑا ادارہ ہے تو بتایا جائے اور یہاں واضع کیا جائے کہ ہم کہاں رجوع کریں پارلیمانی سیکرٹری لائ اینڈ جسٹس ملیکا

بخاری نے کہا کہ لائ سیکرٹری رجسٹرار کے ساتھ رابطے میں ہیں اور اس حوالے سے ہم بہت جلد واضع کر دیں گے ہم اداروں کا احترام کرتے ہیں مگر زبردستی نہیں کر سکتے اس موقع پر پیپلز پارٹی کے رکن قومی اسمبلی عبدالقادر پٹیلنے کہا کہ کون سا تضحیک آمیز رویہ اختیار کیا گیا جواب نہ دینے پر ایوان کی تضحیک ہو رہی ہے سوال پوچھنے پر

بتایا جائے کہ کونسی تضحیک ہو رہی ہے ؟ڈیم فنڈ بابا فنڈ لے کر بھاگ گیا اور حماد اظہر یہاں کہہ رہے ہیں کہ میرے آفس میں زاتی حیثیت سے آئیں مسائل حل کر دیں گے ایسا ایوان میں کیسے چل سکتا ہے ایوان کی تضحیک حکومتی بینچز سے دھڑلے سے ہو رہی ہے اس موقع پر پینل آف دی چیئر کے رکن امجد نیازی نے ملیکا بخاری ایوان میں تفصیل کے

ساتھ جواب دیا کریں اس موقع پر رکن قومی اسمبلی سید محمود شاہ نے سوال کیا ہے کہ توانائی ڈویڑن کو بار بار مسائل سے آگاہ کرنے پر بھی مسئلے کا حل نہیں نکل رہا میرے حلقہ میں بجلی کی سہولت موجود نہیں ایک لاکھ سے زیادہ عوام بجلی سے محروم ہیں جس پر وزیر برائے توانائی حماد اظہر نے کہا ہے کہ ایک سو گیارہ ارب کی ٹرانسمیشن لائن اگلے

تین سال میں بچھ جائیں گی اور سید محمود شاہ کے علاقہ کے حوالے سے ہم خصوصی طور پر مسئلہ حل کریں گے اس موقع پر پینل آف دی چیئر کے رکن امجد نیازی نے حماد اظہر سے کہا کہ یہاں بہت سارے لوگوں کے مسائل ہیں ان کے حل کی یقین دہانی کرائی جائے۔