دبئی (مانیٹرنگ ڈیسک ) متحدہ عرب امارات کے وہ رہائشی جو 1971 کو پیدا ہوئے تھے وہ اب متحدہ عرب امارات کے اتحاد کے پچاس سال پورے ہونے کی خوشی میں مفت شاپنگ کا مزہ لے سکتے ہیں۔خلیج اردو کے مطابق متحدہ عرب امارات کی سب سے بڑی ہائپر مارکیٹوں میں سے ایک یونین کوپ نے پیر کے روز کہا ہے جو خریدار 1971 میں پیدا ہوئے تھے ، انہیں یو اے ای کی 50 ویں سالگرہ کے موقع پر اس کی 100 روزہ تشہیری مہم کے حصے کے طور پر

مفت خریداری کیلئے افضال کارڈ تحفے میں دیا جائے گا۔ پچاس کے قریب خریداروں کو سمارٹ فون جیتنے کا امکان ، دیگر پچاس کو گولڈ بار اور مزید پچاس کو ماؤنٹین بائکس جیتنے کا موقع ملے گا۔ پچاس خریداروں کو 50,000 تمایاز پوائنٹس ملیں گے۔ اس موقع پر مختلف ریٹیل کمپنیوں نے پروموشنل مہم کی مدت کے دوران ہزاروں اشیا کی قیمتوں کو کم کرنے کے ساتھ ساتھ صارفین کو مختلف انعامات کی پیشکش کیلئے 50 ملین درہم مختص کیے ہیں۔