اسلام آباد (این این آئی) پاکستان پیپلز پارٹی اور (ن )لیگ سمیت تمام اپوزیشن جماعتوں نے حکومت کے خلاف مشترکہ احتجاج کا اعلان کرتے ہوئے حکومت کو پارلیمان میں مل کر ٹف ٹائم دینے فیصلہ کرلیا۔ پیر کو اپوزیشن لیڈر شہباز شریف کے چیمبر میں اپوزیشن جماعتوں کا مشترکہ اجلاس میں پیپلز پارٹی کے بلاول بھٹو زرداری یوسف رضا گیلانی پرویز اشرف رضا ربانی شیری رحمان اے این پی کے
امیر ہوتی اور جے ہو ائی کے اسد محمودشریک ہوئے اجلاس کے بعد میڈیا سے گفتگو میں قائد حزب اختلاف شہباز شریف نے کہا کہ منگل کو اپوزیشن جماعتوں کی مشترکہ پارلیمانی جماعتوں کا اجلاس ہوگا۔ انہوںنے کہاکہ عوام کے مسائل چاہے مہنگائی ہو یا کچھ اور ہم سب ان پر یکسو ہیں، احتساب کے نام پر جو زیادتی ہورہی ہے اس کے خلاف ہم سب پارلیمان میں اکٹھے ہیں۔ بلاول بھٹو زرداری نے کہا کہ جب سے پی ٹی آئی ایم ایف مسلط ہوئی ہے اور مہنگائی میں اضافہ ہوا، عوام پریشان ہیں،بلاول بھٹو زرداری نے کہا کہ یہی اہم نقطہ ہے جس پر پوری اپوزیشن اکٹھی ہوئی ہے،عوام کے مسائل کی خاطر چاہے وہ مہنگائی یا ای وی ایم کے ذرئعہ ووٹ ڈالنے کی کوشش یا سیاسی انتقام ہو، ہم اس کے خلاف پارلیمان کی حد تک متحد ہیں. ہم سب مل کر عوام کے مسائل کو اٹھائیں گے۔ انہوںنے کہاکہ حکومت کی ناکام پالیسیوں کو ایکسپوز کریں گے،ہماری پوری کوشش ہوگی کہ دھاندلی اور حکومت کی سیاسی انتقام کی سازش کو ناکام بنائیں۔جے یوآئی کے مولانا اسد محمود نے کہا کہ عوام کے مسائل پر تمام اپوزیشن اکٹھی ہے.انہوں نے کہا کہ لوگ اعتماد رکھیں، ہم ان کے حقوق کی جنگ لڑیں گے، امیر حیدر ہوتی بولے پارلیمان کے اندر اپوزیشن زیادہ موثر نظر آئے گی۔۔ایک سوال پر شہباز شریف نے کہا کہ چاہے کوئی بھی معاملہ ہو وزیر اعظم کبھی آئے ہی نہیں ان کا کردار انتہائی قابل مذمت ہے.
