لاہور (این این آئی )ریسکیو 1122 کی موٹربائیک سروس کی کامیابی کا ایک سال پورا ہوگیا تفصیل کے مطابق گزشتہ برس اکتوبر میں ریسکیو 1122 کی موٹربائیک سروس کا آغاز کیا گیا تھا جس نے کامیابی سے پورے سال کے دوران گنجان آباد علاقوں اور تنگ گلیوں میں

جاکر لاکھوں مریضوں کو ابتدائی طبی امداد فراہم کی ہے ۔ ریسکیو 1122 کی موٹربائیک سروس میں بیک وقت درجنوں سہولیات موجود ہیں جن میں تربیت یافتہ ایمرجنسی میڈیکل سٹاف کے پاس زندگی بچانے والی بنیادی ادویات، ہائی بلڈ پریشر میٹر، گلوکومیٹر،پلس آکسی میٹر، آکسیجن سلنڈر، سانس بحالی کٹ، جلنے کی صورت میں امدادی کٹ، گردن کی چوٹ کی صورت میں امدادی کالر،ہڈی ٹوٹنے پر فوری امداد اور نیبولائزر موجود ہوتا ہے ، ریسکیو کی موٹربائیک سروس کی کامیابی کو دیکھتے ہوئے صوبائی ریسکیو حکام نے صوبہ بھر کے مزید 27 اضلاع میں موٹربائیک سروس شروع کرنے کا فیصلہ کیا گیا ہے جس کے تحت سینکڑوں گاڑیاں تمام اضلاع تک پہنچائی جائیں گی، فیصل آباد ریسکیو سٹیشن کے پاس اس وقت ایک سو موٹربائیکس موجود ہیں جبکہ مزید پچاس کے قریب گاڑیاں ملنے کا امکان ہے ۔