کراچی (این این آئی)بزرگ عالم دین،جامعہ خیرالعلوم اتحاد ٹاؤن کے بانی استاد القراء مولانا قاری محمد صدیق انتقال کرگئے،وہ کچھ عرصے سے علیل تھے،وہ ہزاروںقراء حضرات اور علماء کرام کے استاد تھے،طویل عرصے تک جامعہ عثمانیہ شیرشاہ میں تجویدوقرات کے استاد کے
طورپرخدمات انجام دیئے،وہ معروف نعت خواں قاری محمد رفیق دانش اور مفتی فضل کریم کے بڑے بھائی تھے،مولانا قاری محمد صدیق کی نماز جنازہ برکت مسجدنیشنل چوک اتحادٹائون میںجمعیت علماء اسلام پاکستان کے رہنماء قاری محمد عثمان نے پڑھائی جس میں کراچی بھرکے اساتذہ، علماء اور طلبہ سمیت تمام شعبہ ہائے زندگی سے وابستہ افراد نے بڑی تعداد میں شرکت کی بعد میں مرحوم کو مقامی قبرستان میں سپرد خاک کر دیا گیا۔قاری محمد عثمان،پی ڈی ایم کے سیکرٹری اطلاعات سینیٹرحافظ حمداللہ،مولانافضل الرحمن کے بھائی انجینئرضیاء الرحمن،جامعہ حقانیہ اکوڑہ خٹک کے نائب مہتمم حافظ سلمان الحق حقانی،مولانا سمیع اللہ مجاہد،سابق ایم پی اے مولانا عمر صادق،مولانا فخرالدین رازی،مولانا فتح اللہ،حافظ فاروق سید،ڈاکٹرنصیرالدین سواتی، حافظ محمدنعیم، مولاناتاج محمدانور، مفتی خلیل اللہ،قاری محمد ایوب ہزاروی ، مولانا ضیاء الدین سواتی،مولانا امین اللہ، قاری خیرالحق ابرار ، قاری زین العابدین جلالی، رفیق تنولی، مولانا لطیف اللہ برکی، قاری راحت اللہ میدانی سمیت علماء کرام، سیاسی رہنمائوں اورسماجی شخصیات تعزیت کیلئے ان کی رہائش گاہ پہنچے اورمولانا قاری محمد صدیق کے سانحہ ارتحال پر انکے برادران مفتی فضل کریم اور قاری رفیق دانش سے دلی تعزیت اور ہمدردی کا اظہار کرتے ہوئے ا نہیں صبر کی تلقین اور مرحوم کی مغفرت کیلئے دعا کی کہ مولانا قاری محمد صدیق کی وفات کراچی کے علمی و دینی حلقے کے لیے خسارہ عظیم ہے، ذی علم استاذ کی وفات بڑی محرومی اور عظیم نقصان ہے۔
